Në spektaklin e së martës në Big Brother VIP Albania 4, banorët u vendosën përballë një loje interesante, ku u shfaqën disa tituj lajmesh të publikuara jashtë shtëpisë.
Ata duhej të gjenin se cilat lajme ishin të vërteta dhe cilat jo, në mënyrë që të fitonin sa më shumë buxhet për javën në vijim.
Megjithatë, jashtë kësaj loje mbetën Egli dhe Jozi, pasi të dy kishin dalë më herët nga shtëpia dhe ishin rikthyer.
Një nga titujt që tërhoqi më shumë vëmendje ishte një raportim i bërë për Jozin nga gazetarja Dasara Karaiska, e cila publikisht kishte deklaruar se ai është homoseksual. Sapo u shfaq ky lajm në ekran, banorët shpërthyen në të qeshura dhe e cilësuan si diçka të pavërtetë.
Por ndryshe nga ç’priste shumica, ky ishte një lajm i vërtetë, i raportuar jashtë shtëpisë, ndonëse Jozi e ka mohuar kategorikisht këtë pohim.
Teksa shikonte reagimet e të tjerëve, Jozi u duk i sikletosur dhe u mundua ta kalonte situatën me të qeshura.
Ky moment krijoi një atmosferë të çuditshme në shtëpi, ndërsa banorët vazhduan të komentojnë mbi lajmet që ishin shpërndarë për ta jashtë shtëpisë, duke u surprizuar nga disa prej tyre. /Telegrafi/