I ftuar në emisionin e mëngjesit “Rreze Dielli” në Report Tv, me moderatore Androniki Kolka, ishte astrologu Jorgo Pulla,
i cili bëri një parashikim javor për 12 shenjat e zodiakut nga data 24 shkurt deri me 2 mars.
Sipas astrologut Pulla kjo javë duket se do të sjellë ndryshime rrënjësore. “Më në fund do të dalë e vërteta në shesh.
Marsi përfundon kursin e tij nga retrogradë në rrugën e duhur në Gaforre, këtë të hënë, duke i vendosur më në fund punët tona në rrugën e duhur.
Do të jetë një javë dinamike, plot zhvillime dhe me mundësi, të cilat duhet të shfrytëzohen sa më mirë dhe me inteligjencë nga të gjitha shenjat e zodiakut.
Vetëm, kujdes në dokumentacione, vëmendje në firmosje, shqyrtoni çdo detaj! Hëna e re që futet ditën e Premte në shenjën e Peshqeve, do të sjellë një vizion të ri,
ndërsa kursi retrogradë i Afërditës fillon të dielën, duke sjellë rishikime në çështjet emocionale tani e tutje”, theksoi Pulla, duke vijuar më pas me parashikimin e detajuar të yjeve për të gjitha shenjat e zodiakut.
DASHI
Rilidhje dhe vendime emocionale! Kjo javë sjell pak përçarje në marrëdhënie, pasi Afërdita do të kthehet në retrogradë të dielën, duke shkaktuar vonesa ose pasiguri në çështjet që lidhen me komunikimin dhe harmoninë rreth jush. Kujdes nga keqkuptimet që mund të lindin, sidomos me personat me të cilët keni interesa apo marrëveshje të përbashkëta. Në dashuri këtë javë do të keni emocione, pasi me Marsin që hyn në Gaforre në një rrugë të drejtë, marrëdhënia juaj me partnerin merr një dimension tjetër. Ndjenja e rinovimit dhe dinamizmit do t’ju japë më shumë vetëbesim dhe do t’ju lejojë të shprehni më hapur nevojat tuaja. Mos harroni, megjithatë, se me Venusin retrogradë është më mirë të shmangni reagimet e tepërta. Me Hënën e re në 28 shkurt në shenjën e Peshqëve do të keni mundësinë të bëni ndryshime në partneritete apo marrëveshje që nuk ju shërbejnë më. Merrini me mençuri detyrimet tuaja financiare dhe mos nxitoni të merrni vendime të nxituara.
DEMI
Lëvizje strategjike dhe qetësi. Kjo javë duket se do të sjellë tronditje dhe disa vonesa, kryesisht në partneritetet apo marrëveshjet tuaja profesionale, për shkak të lëvizjes retrogradë te Aferdita duke filluar nga e diela. Është një periudhë kur është mirë të rishqyrtoni atë që merrni si të mirëqenë dhe të mos bëni lëvizje të nxituara. Në dashuri, emocionalisht Marsi, i cili kthehet në kursin e duhur në Gaforre, rrit intensitetin tuaj emocional. Nëse jeni në një lidhje, do të ndjeni nevojën për më shumë pasion dhe komunikim. Nëse jeni beqarë, kjo javë është e përshtatshme për takime me persona të rinj, edhe pse duhet të keni kujdes se çfarë saktësisht kërkoni. Hëna e Re në 28 shkurt mund të sjellë një këndvështrim apo bashkëpunim të ri, por duhet kujdes në analizimin e kushteve. Financat tuaja janë më të qëndrueshme, por duhet të shmangni shpenzimet e panevojshme.
BINJAKËT
Zhvillime personale dhe reflektim! Kjo javë mund të sjellë disa kthesa, veçanërisht në komunikimin me miqtë ose kolegët. Afërdita në Dash, në retrogradë, mund të sjellë keqkuptime ose çështje që do t’ju kërkojnë të rishikoni disa nga mendimet ose qasjet tuaja. Kushtojini vëmendje saktësisë së informacionit që merrni. Në dashuri, sa i takon jetës tuaj personale, mund të jeni të detyruar të rishikoni disa pritshmëri ose të përballeni me disa çështje pezull, kryesisht për shkak të pranisë së Aferditë në retrogradë. Nëse ka ndonjë keqkuptim, kjo periudhë ju nxit të dialogoni për të sqaruar situatat. Është një kohë e mirë për të lënë pas të kaluarën dhe për të ecur përpara. Java sjell zhvillime të rëndësishme në jetën tuaj profesionale, veçanërisht me Hënën e re më 28 Shkurt, e cila krijon mundësi të reja rritje. Megjithatë, duhet të jeni të kujdesshëm në diskutimet profesionale dhe të mos i lini asgjë rastësisë. Në financa sigurohuni që të keni kontroll dhe shmangni shpenzimet e panevojshme.
GAFORRJA
Zhvillime të rëndësishme në nivel personal! Me Marsin që kthehet në rrugën e duhur këtë javë në shenjën tuaj, veprimet që bëni do të kenë sukses të madh dhe mund të arrini qëllimin tuaj nëse shmangni lëvizjet e nxituara. Megjithatë, Hëna e re më 28 shkurt thekson se keni nevojë për një vlerësim më të brendshëm dhe rishikime të mundshme të çështjeve tuaja personale. Sa i takon dashurisë, rikthimi i Marsit në rrugën e duhur sjell rinovim, veçanërisht nëse jeni në një lidhje. Nëse jeni beqar, gjërat janë të turbullta dhe Venusi retrogradë ju bën thirrje që të rishikoni disa çështje emocionale nga e kaluara. Java është e mirë për t’u marrë me çështje të rëndësishme në jetën tuaj profesionale, por edhe për t’u marrë me çështje financiare. Megjithatë, bëni kujdes me komunikimet tuaja, pasi Venusi retrogradë mund të sjellë vështirësi në zbatimin e marrëveshjeve të reja. Qëndroni të fokusuar në qëllimin tuaj dhe kushtojini vëmendje detajeve.
LUANI
Bilanc dhe rishikimim partneritetesh! Kjo javë mund të sjellë disa kthesa, veçanërisht në lidhje me partneritetin tuaj. Edhe pse Hëna e re e 28 shkurtit sjell mundësi të reja, është e rëndësishme të jeni të kujdesshëm në marrëdhëniet tuaja dhe të mos bëni lëvizje të nxituara. Afërdita në retrogradë mund të shkaktojë vonesa ose keqkuptime në komunikim. Dashuria në këtë javë duket se do të sjellë trazira dhe ndoshta rishikime në marrëdhëniet tuaja. Marsi në drejtim të mirë te Gaforrja do t’ju ndihmojë të komunikoni në mënyrë më dinamike me partnerin nëse ka çështje që kërkojnë sqarime. Mos e lini veten të prekeni nga vështirësi të vogla, pasi ka mundësi për rinovim. Në aspektin profesional, kjo javë sjell disa sfida dhe Venusi retrogradë paralajmëron vonesa në marrëveshje. Është koha për t’u marrë me çështjet tuaja financiare me mençuri dhe për të shmangur rreziqet. Hëna e Re mund të sjellë mundësi të reja, por ju duhet të bëni punë dhe planifikim metodik.
VIRGJËRESHA
Sfida në marrëdhënie dhe qëllime! Kjo javë ofron mundësi për rinovim dhe ndryshim. Marsi në drejtimin e duhur te Gaforrja ju inkurajon të përqëndroheni në çështje që lidhen me familjen ose shtëpinë tuaj. Hëna e re në 28 shkurt do të sjellë nevojën për vendime të qarta për çështjet personale, ndërsa Venusi retrogradë mund të sjellë vështirësi në komunikim. Në dashuri dhe sferën emocionale, java kërkon që ju të merrni vendime për marrëdhënien tuaj. Nëse jeni në një lidhje komunikimi mund të ketë ulje-ngritjet e tij, ndërsa nëse jeni beqarë mund të ketë rishikime apo kthime në zgjedhjen e personit të duhur. Në aspektin profesional, është mirë të shmangni veprimet e nxituara, veçanërisht me Venusin retrogradë. Mund të lindin vështirësi në bashkëpunim ose mund të ketë vonesa. Në financat do t’ju duhet një menaxhim i kujdesshëm, pasi disa shpenzime apo çështje pezull mund të lindin në mënyrë të papritur.
PESHORJA
Rishqyrtim dhe kthime në prioritete! Hëna e re në 28 shkurt mund të sjellë perspektiva të reja, qoftë në marrëdhënie, qoftë në çështjet e zhvillimit personal. Mundohuni të ruani qetësinë, pasi kthimi i Afërditës në retrogradë të dielën sjell trazira, veçanërisht në marrëdhëniet tuaja shoqërore. Në dashuri, marrëdhëniet tuaja mund të kalojnë një fazë rishikimi. Afërdita retrogradë mund të nxjerrë në sipërfaqe pasiguritë e vjetra ose të sjellë njerëz nga e kaluara. Nëse jeni në një lidhje, shmangni diskutimet e mëdha dhe vendimet përfundimtare. Nëse jeni beqarë, mund të vini në kontakt me dikë që keni lënë pas. Në çështjet profesionale, Marsi rikthehet në kohë te Gaforrja, duke sjellë mundësi për të organizuar planet tuaja. Në financat mund të lindin vonesa ose nevoja për të rishikuar buxhetin tuaj.
AKREPI
Rilidhja dhe rishikimi i partneriteteve! Kjo javë kërkon vëmendje për çështjet që lidhen me komunikimin dhe bashkëpunimet. Afërdita retrogradë sjell përçarje, kryesisht në çështjet tuaja personale dhe profesionale. Hëna e re e 28 shkurtit mund të sjellë tronditje, por edhe mundësi për të sqaruar situatat që ju shqetësojnë. Përdoreni këtë kohë për të rishikuar qëllimet dhe planet. Në dashuri, Afërdita retrogradë mund të sjellë keqkuptime ose t’ju detyrojë të rishikoni qëndrimin tuaj ndaj një personi. Nëse jeni në një lidhje, është një moment i mirë për të pastruar çdo keqkuptim. Nëse jeni beqarë, kjo javë do të sjellë mundësi për t’u rilidhur me të shkuarën. Afërdita retrogradë mund të sjellë vonesa ose zhgënjime në marrëveshjet profesionale. Nëse keni partneritete të hapura, sigurohuni që të jeni të kujdesshëm dhe të mos nxitoni në mbylljen e marrëveshjeve. Në financa, kthimi i Marsit në drejtimin e duhur mund t’ju ndihmojë të shihni më qartë prioritetet tuaja.
SHIGJETARI
Vendime emocionale dhe rishqyrtim! Kjo javë kërkon kujdes, pasi Marsi kthehet në drejtimin e duhur te Gaforrja dhe mund të sjellë vonesa në disa nga planet tuaja. Hëna e re në 28 shkurt ofron një mundësi për fillime ose rishikime të reja, megjithëse kthimi i Afërditës në retrograde mund të krijojë dyshime në marrëdhëniet personale dhe profesionale. Në dashuri, Afërdita në retrogradë nga e diela mund të shkaktojë një periudhë pasigurie, ose duke nxjerrë në pah të kaluarën ose duke krijuar dyshime për marrëdhënien tuaj. Nëse jeni në një lidhje, mund t’ju duhet të merreni me çështje komunikimi. Nëse jeni beqarë, kjo javë mund të sjellë një ribashkim apo rivlerësim të aferave të mëparshme romantike. Afërdita retrogradë mund të sjellë vonesa ose keqkuptime në bashkëpunime. Për sa i përket financave, është mirë të bëni përllogaritje të kujdesshme dhe të shmangni shpenzimet e tepërta, sepse kjo periudhë favorizon rishikimet dhe rregullimet.
BRICJAPI
Përmbysje në komunikim dhe marrëdhënie! Kjo javë sjell sfida në fushën e marrëdhënieve dhe komunikimit. Afërdita retrogradë të dielën mund të shkaktojë keqkuptime ose vonesa, ndërsa Hëna e re më 28 shkurt ju inkurajon të rishikoni disa vendime të rëndësishme. Është mirë të mos nxitoni për të bërë marrëveshje dhe të bëni një bilanc të asaj që keni lënë pas. Në dadhuri, Afërdita retrogradë nga e diela mund të sjellë rilidhje me të kaluarën ose të sjellë çështje me të cilat duhet të merrni seriozisht. Nëse jeni në një lidhje, komunikimi me partnerin mund të jetë i vështirë dhe duhet përpjekje për të rivendosur ekuilibrin. Nëse jeni beqarë, e kaluara mund të bëjë pamjen e saj, duke sjellë zhvillime të reja. Afërdita retrogradë kërkon kujdes në marrëveshje dhe partneritete, ndërsa Hëna e Re mund të sjellë të dhëna të reja që duhet t’i shqyrtoni me kujdes. Në planin financiar duhet të jeni më konservatorë dhe të shmangni shpenzimet e tepërta.
UJORI
Vonesa dhe rishikim i strategjisë suaj në të ardhmen! Kjo javë mund të sjellë ndryshime dhe vonesa në çështjet personale dhe profesionale. Afërdita retrogradë nga 2 marsi mund të shkaktojë rishqyrtim dhe pasiguri, ndërsa Hëna e re më 28 Shkurt ofron një mundësi për të rishikuar disa synime dhe plane që keni shtyrë. Mos nxitoni për të marrë vendime të mëdha! Në dashuri, Afërdita në retrogradë mund të sjellë keqkuptime ose t’ju detyrojë të rishikoni marrëdhëniet që mund të jenë krijuar pa e kuptuar ju. Nëse jeni në një lidhje, është mirë t’i kushtoni kohë komunikimit me partnerin dhe të shmangni konfliktet. Nëse jeni beqarë, e kaluara mund të shfaqet. Në çështjet profesionale, vendimet e kësaj jave duhet të jenë të kujdesshme, pasi Venusi retrogradë mund të sjellë vonesa apo vështirësi në bashkëpunime. Në financa është e rëndësishme të bëni plane serioze dhe të shmangni çdo investim apo shpenzim të pasigurt, pasi kjo periudhë mund të sjellë surpriza.
PESHQIT
Rishikime dhe mundësi të reja! Kjo javë mund të sjellë disa tronditje, kryesisht në fushën tuaj profesionale dhe në marrëdhëniet. Hëna e re në 28 shkurt në shenjën tuaj ju ndihmon të ndërrmerrni hapa kuptimplotë në të ardhmen, ndërsa Afërdita në retrograde të dielën ju fton të reflektoni, prandaj duhet të jeni më të durueshëm. Në dashuri, disa gjëra mund të kërkojnë pak kohë. Afërdita retrogradë mund të sjellë dyshime ose keqkuptime, qoftë me partnerin, qoftë me të shkuarën. Nëse jeni në një lidhje, komunikimi i kujdesshëm është çelësi për të shmangur konfliktin. Nëse jeni beqarë, java mund të sjellë tronditje emocionale. Në çështjet profesionale, Hëna e re sjell perspektiva të reja, por Afërdita në retrogradë mund të krijojë vonesa ose pengesa. Shmangni lëvizjet e nxituara dhe rishikoni strategjitë tuaja! Në financa tregohuni të kujdesshëm me vendimet dhe mos bëni ndryshime në marrëveshje të rëndësishme.