Fituesi i edicionit të katërt të “Big Brother VIP”,
Gjesti, përmes një postimi në rrjetet sociale,
falënderon ndjekësit për dashurinë dhe përkrahjen që ka marrë gjatë dhe pas eksperiencës në shtëpinë më të famshme në Shqipëri.
“Po dal prej ni eksperience që s’kom me e harru kurrë”, thotë këngëtari, që u shpreh i bekuar dhe theksoi se çdo mesazh dhe mbështetje që ka marrë i ka prekur zemrën.
“S’e kam dit që jashtë atyre mureve ka me m’prit kaq shumë dashni. Jom tu u ndi shume i bekum. Faleminderit për krejt mesazhet, dashnine dhe përkrahjen që ma keni dhon. Jom shumë mirënjohës edhe ju du pafund”.
Në fund të mesazhit, këngëtari la të kuptohej se është gati për një fillim të ri, duke premtuar se nuk do ta harrojë kurrë dashurinë e treguar ndaj tij.
Ky reagim emocional vjen vetëm pak ditë pas fitores së tij në BBVA4, një nga sezonet më të ndjekura dhe më të komentuara, ku Gjesti rrëmbeu çmimin e madh prej 100 mijë eurosh dhe zemrat e mijëra shqiptarëve.