Si do të jetë kjo javë në fushën astrologjike sipas Jorgo Pullës?
Cilat janë shenjat më fatlume të javës dhe kush duhet të bëjë kujdes
I ftuar në emisionin e mëngjesit “Rreze Dielli” në Report TV,
me moderatore Androniki Kolka ishte astrologu i njohur Jorgo Pulla, i cili bëri një analizë të detajuar për javën e fundit të muajit,
përkatësisht 26 Maj -1 Qershor, për 12-të shenjat e zodiakut.
Sipas astrologut Pulla kjo javë mund të konsiderohet si një nga më të mirat e kohëve të fundit.
Yjet sjellin një energji të fortë pozitive që favorizon komunikimin, bashkëpunimin dhe vendimet afatgjata.
Është momenti ideal për të forcuar marrëdhëniet profesionale, për të nisur projekte të reja apo për të zgjidhur çështje që kërkojnë qartësi dhe mirëkuptim.
Takimet dhe bisedat që ndodhin gjatë kësaj jave mund të rezultojnë vendimtare për të ardhmen,
sidomos në aspektin profesional dhe atë personal. Përdoreni këtë energji për të ndërtuar ura të reja dhe për të konsoliduar ato ekzistuese!
DASHI
Java fillon me mendime dhe vendime pozitive, falë hyrjes së Mërkurit në shenjën e Binjakëve, ndërsa Hëna e Re më 27 maj, në aspekt harmonik me Plutonin, thekson fushën e komunikimit, marrëveshjeve dhe të mësuarit.
Është një kohë ideale për të vendosur qëllime të reja rreth punës, blerjeve ose një projekti të rëndësishëm. Mjedisi juaj bëhet më mbështetës dhe fuqia e fjalëve tuaja bëhet aseti juaj më i fortë.
Miqësitë janë fuqizuese dhe është e mundur që të merrni një sugjerim ose informacion shumë të rëndësishëm. Në çështjet e zemrës, Mërkuri sjell biseda, flirtime dhe takime të këndshme.
Nëse jeni në një lidhje, komunikimi me partnerin/en tuaj rigjallërohet, gjë që mund të sjellë edhe një udhëtim të vogël ose një sqarim të rëndësishëm me një ndikim pozitiv. Nëse jeni beqarë, Hëna e Re favorizon fillime të reja: një person i ri mund të pushtojë papritur zemrën tuaj nëpërmjet internetit ose miqve të përbashkët. Tani është koha për të magjepsur me shpirtin tënd dhe për të lënë pas marrëdhëniet që nuk të përmbushin vërtet.
DEMI
Këtë javë, është e mundur që t’ju jepet mundësia në avancimin financiar ose përmes njerëzve me ndikim. Hyrja e Mërkurit në shenjën e Binjakëve ju jep mundësinë të negocioni me zgjuarsi dhe të identifikoni mundësi për të rritur të ardhurat ose për të përmirësuar kontratat. Nëse po mendoni të kërkoni një rritje page, të ndryshoni pozicion ose të filloni diçka tuajën, kjo periudhë ofron përfitime afatgjata. Hyrja e Mërkurit në Binjakë aktivizon sektorin financiar dhe ju bën thirrje të mendoni më strategjikisht për të ardhurat dhe vlerat tuaja. Hëna e Re më 27 maj ju jep mundësinë të vendosni një themel të fortë për një plan të ri që lidhet me menaxhimin e parave ose rritjen e vetëbesimit tuaj. Aspekti i saj pozitiv me Plutonin thekson fuqinë që fitoni kur e njihni vlerën tuaj të vërtetë dhe nuk bëni kompromis për nevojat dhe dëshirat tuaja. Jeni në një fazë fuqizimi dhe rindërtimi. Kjo javë ju shtyn të mendoni për atë që dëshironi vërtet nga një marrëdhënie dhe çfarë jeni të gatshëm të jepni. Nëse jeni tashmë në një lidhje, mund të ketë diskutime të rëndësishme rreth nevojave tuaja të përbashkëta dhe sigurisë emocionale ose materiale. Hëna e Re ju ndihmon të filloni nga e para, me themele të reja dhe një kuptim më të mire! Nëse jeni beqar, flirtimi kalon në një nivel më të thellë dhe më të pjekur, dhe ka të ngjarë të tërheqësh një person që të jep një ndjenjë stabiliteti dhe perspektive.
BINJAKËT
Prania e Mërkurit në shenjën tuaj rrit aftësinë tuaj për të negociuar, për të komunikuar ide dhe për të hapur perspektiva të reja profesionale. Hëna e Re ju jep “dritën jeshile” për të ndërmarrë iniciativa, për të qenë të guximshëm dhe për të dalë përpara. Nëse po mendoni për një ndryshim karriere ose një projekt të ri që ju shpreh, kjo është koha e duhur për ta promovuar atë. Fillon një javë veçanërisht e rëndësishme, me protagonist vetë ju! Trekëndëshi që formon me Plutonin ju ndihmon të bëni ndryshime të thella, jo sipërfaqësore, për të ripozicionuar veten në mënyrë dinamike, për të thënë se kush jeni, çfarë dëshironi dhe ku po shkoni. Sa i takon dashurisë, java thekson personalitetin tuaj dhe ju bën të papërmbajtshëm. Nëse jeni në një lidhje, mund të shpreheni më sinqerisht, të zgjidhni keqkuptimet dhe të ndjeni sikur po rifitoni fijen e komunikimit me partnerin/en tuaj. Hëna e Re favorizon një kapitull të ri, më autentik, që fillon bazuar në atë që jeni në të vërtetë. Nëse jeni beqarë, kjo është Hëna juaj e Re: hapen perspektiva për flirtime, njohje dhe fillime romantike që ju entuziazmojnë shpirtërisht dhe ju prekin në thelb.
GAFORRJA
Java është ideale për përgatitje, planifikim dhe lëvizje diskrete. Kjo nuk është koha për njoftime apo hapa të mëdhenj, por për vendime strategjike dhe diskutime sekrete. Mërkuri në shenjën e Binjakëve rrit vëzhgimin dhe intuitën tuaj, ndërsa Hëna e Re mund të sjellë një marrëveshje të fshehtë biznesi ose një mundësi që është ende në zhvillim e sipër. Nëse jeni të përfshirë në kërkime, projekte prapa skenave ose punoni larg “dritave”, java ju favorizon ndjeshëm. Nëse jeni në një lidhje, mund të ndjeni nevojën të qëndroni pak më larg aktivitetit intensiv shoqëror dhe të lidheni në mënyrë kuptimplotë me partnerin tuaj, përmes bisedave që kanë thellësi emocionale. Nëse jeni beqarë, është e mundur që një person nga e kaluara të kthehet ose do të ndjeni një zgjim të brendshëm rreth asaj që ka vërtetë rëndësi për ju. Flirtimi mund të ekzistojë, por kryesisht në forma më diskrete ose “të fshehta”.
LUANI
Java do të jetë e ngarkuar me komunikim dhe mundësi për të bërë lëvizje të rëndësishme në punë. Mërkuri në Binjak ju ndihmon të gjeni fjalët e duhura për të arritur qëllimet tuaja, ndërsa Hëna e Re më 27 maj ju jep një fillim të ri që lidhet me marrëveshjet, kontratat ose marrëdhëniet profesionale. Përfitoni nga kjo periudhë për të shtrirë rrjetin tuaj social dhe për të treguar aftësitë tuaja për bindje dhe negociatë. Nëse jeni duke kërkuar një ndryshim karriere, kjo është java që duhet të veproni me siguri. Në dashuri, java sjell një rigjallërim të ndjenjave dhe mundësi për sqarime të rëndësishme me partnerin/en. Flirtimet janë të fuqishme dhe tërheqëse, sidomos nëse jeni beqarë. Hëna e Re mund të sjellë një takim të ri me potencial serioz.
VIRGJËRESHA
Java ju sjell mundësi për të përmirësuar situatën financiare ose për të vendosur baza të reja për sigurinë tuaj materiale. Mërkuri në Binjak ju ndihmon të mendoni më strategjikisht dhe të bëni planifikime afatgjata për burimet tuaja. Ndërsa Hëna e Re në Binjak më 27 maj thekson rëndësinë e bashkëpunimeve dhe ndihmave nga persona me ndikim ose miq të vjetër. Kini kujdes me shpenzimet impulsive dhe mbani një qasje të matur! Në dashuri, komunikimi bëhet çelësi i mirëkuptimit dhe afërsisë me partnerin/en tuaj. Nëse jeni beqar, java favorizon njohjet nëpërmjet rrjeteve shoqërore dhe aktiviteteve të përbashkëta.
PESHORJA
Java do t’ju kërkojë të jeni të vëmendshëm në marrëdhëniet personale dhe profesionale. Mërkuri në Binjakë ndihmon në zgjidhjen e keqkuptimeve dhe promovon biseda konstruktive. Mërkuri lëviz në shenjën tuaj, duke rritur qartësinë tuaj mendore, aftësitë tuaja të komunikimit dhe shtrirjen tuaj sociale. Të nesërmen, Hëna e Re gjithashtu në shenjën tuaj hap rrugën për një fillim të ri personal, një ripërcaktim të identitetit tuaj dhe drejtimit që dëshironi të merrni. Hëna e Re më 27 maj ju fton të nisni një projekt të ri ose të merrni një rol më aktiv në ekipin tuaj. Bashkëpunimi dhe fleksibiliteti janë çelësat për sukses. Në dashuri, komunikimi hap rrugë për më shumë intimitet dhe mirëkuptim. Nëse jeni beqar, një takim i papritur mund të jetë fillimi i diçkaje të bukur.
AKREPI
Java për ju sjell mundësi të mëdha për rritje personale dhe profesionale. Mërkuri në Binjakë ju ndihmon të shprehni mendimet dhe ndjenjat tuaja me qartësi dhe ndikim. Hëna e Re më 27 maj ju shtyn të bëni një ndryshim të rëndësishëm në mënyrën se si prezantoheni dhe si ndërveproni me të tjerët. Është koha për të lënë pas ngarkesat dhe për të filluar një kapitull të ri me më shumë vetëbesim. Nëse keni biznesin tuaj, shfrytëzojeni javën për të lançuar, bashkëpunuar ose drejtuar reklama. Mbështetja e Plutonit thekson se nën sipërfaqe mund të fshihet një zhvillim strategjik me rëndësi të madhe. Në dashuri, java është e favorshme për thellimin e lidhjeve ekzistuese ose për takime të reja me potencial afatgjatë. Komunikimi dhe sinqeriteti do të jenë baza e çdo marrëdhënieje të suksesshme.
SHIGJETARI
Java sjell energji pozitive dhe mundësi për të avancuar në punë. Mërkuri në shenjën e Binjakëve ju ndihmon të organizoni më mirë idetë dhe planet tuaja, ndërsa Hëna e Re më 27 maj krijon një hapësirë të mirë për të nisur projekte të reja, sidomos ato që lidhen me edukimin, udhëtimet apo zhvillimin personal. Tregohuni fleksibël dhe të gatshëm për të mësuar nga përvoja e të tjerëve. Në dashuri, java është e mbushur me momente të gëzuara dhe takime interesante. Nëse jeni në një lidhje, bëni përpjekje për të kaluar më shumë kohë cilësore me partnerin/en!
BRICJAPI
Java ju fton të përqendroheni në qëllimet afatgjata dhe në ndërtimin e bazave të qëndrueshme për të ardhmen. Mërkuri në Binjak ju ndihmon të komunikoni qartë dhe me logjikë, duke e bërë kështu më të lehtë marrjen e vendimeve të rëndësishme. Hëna e Re më 27 maj ju jep mundësinë të rifreskoni marrëdhëniet profesionale dhe personale. Në dashuri, sinqeriteti dhe transparenca janë çelësat për zgjidhjen e çdo mosmarrëveshjeje. Për beqarët, java favorizon njohje të reja në ambientet profesionale ose nëpërmjet miqve të përbashkët.
UJORI
Koha është e përshtatshme për të zhvilluar ide të reja dhe për të marrë iniciativa të rëndësishme. Mërkuri në Binjak ju ndihmon të mendoni jashtë kutisë dhe të komunikoni me kreativitet. Kjo javë vepron si një sfond që përgatit nga brenda rifillimin tuaj. Me hyrjen e Mërkurit në shenjën e Binjakëve, ju filloni të ktheheni më intensivisht drejt botës suaj të brendshme, mendimeve, frikërave dhe emocioneve të papërpunuara. Hëna e Re gjithashtu më 27 maj, ju shtyn të mbyllni çështjet e pezulluara dhe të krijoni hapësirë për çdo gjë të re që do të vijë në jetën tuaj së shpejti. Aspekti i saj mbështetës ndaj Plutonit tregon se ky proces mund të jetë thellësisht transformues, për sa kohë që i qaseni me ndershmëri. Hëna e Re më 27 maj sjell një fillim të ri në mënyrën se si bashkëpunoni me të tjerët, sidomos në projekte kolektive. Në dashuri, jeta romantike do të jetë dinamike dhe plot surpriza. Komunikimi hap rrugë për një mirëkuptim më të thellë me partnerin/en tuaj.
PESHQIT
Java ju kërkon të bëni një përpjekje të vetëdijshme për të balancuar përgjegjësitë dhe dëshirat personale. Mërkuri në Binjak ju ndihmon të organizoni informacionin dhe të merrni vendime më të mira, ndërsa Hëna e Re më 27 maj ju fton të nisni një fazë të re në lidhje me shtëpinë ose familjen. Java favorizon marrëveshjet, negociatat dhe prezantimin e ideve. Fjalët tuaja janë bindëse, kontaktet tuaja hapin dyer dhe me Hënën e Re mund të sjellë një propozim të rëndësishëm profesional, i cili mund të lidhet me median, biznesin ose sektorin tregtar. Është një kohë e mirë për reflektim dhe për të vendosur prioritetet e jetës suaj. Në dashuri, ndjenjat janë të thella dhe mund të sjellin momente të ndjeshme dhe të veçanta. Nëse jeni beqar, mos hezitoni të hapni zemrën për mundësi të reja!