Mbrëmja e djeshme në Fan Club solli përballje interesante mes ish-banorëve të Big Brother VIP Albania 4.
Danja rrëfeu për herë të parë detaje nga momentet pas daljes së saj nga shtëpia dhe bisedat me partnerin Redin.
E pyetur nga Heidi se çfarë kanë diskutuar pas daljes, Danja u shpreh: “Më ka thënë për këto lajmet e ndryshme që kanë qarkulluar, folëm për gjithçka që ka ndodhur brenda… edhe shumë dashuri, normalisht.”
Një nga momentet më të përfolura ka qenë momenti kur Danja i tha Ledionit ‘je shumë i bukur’, çka bëri që rrjetet sociale të shpërthenin në komente.
Sipas saj, Redi e ka marrë situatën me qetësi dhe dashuri, dhe nuk është ndikuar nga lajmet që kanë qarkulluar.
Nga ana tjetër, tensionet mes Danjës dhe G Banit duket se vazhdojnë edhe jashtë shtëpisë. Pyetur nëse do donte një shoqëri me Danjën jashtë, G Bani u shpreh prerë:
“Shoqërinë e Danjës e doja brenda në lojë. Danja jo vetëm që nuk deshi shoqëri, por ishte shumë agresive ndaj meje aty brenda. Prandaj nuk kam nevojë për shoqërinë e saj jashtë.”
Gjithashtu, u përmend fakti që Redi ka kontaktuar prindërit e G Banit pas përplasjeve që ndodhën mes tyre në shtëpi. Lidhur me këtë, G Bani komentoi:
“Është diçka që mendoj e ka bërë me të drejtë dhe në shumë mënyrë shumë dinjitoze.”
Debatet dhe dinamikat që kanë nisur brenda shtëpisë, duket se po vazhdojnë edhe në jetën reale, duke treguar se për disa ish-banorë, lojërat dhe konfliktet nuk janë mbyllur ende me përfundimin e formatit.